На 18 јуни 2024 година, директорот на Македонски Каритас отец д-р Зоран И. Стојанов, во просториите на општина Босилово во пријатна и срдечна атмосфера оствари средба со градоначалникот Ристо Манчев, на кого му ја претстави работата на проектот YourJob, со кој е опфатена и општина Босилово.

Од страна на општина Босилово беше искажана поддршка и интерес за можностите кои ги нуди проектот, во кој фокусот е на младите од 15 до 35 години.

Директорот на Македонски Каритас отец д-р Зоран И. Стојанов, беше придружуван од координаторот Спасе Спасов и кариерните советници Верица Ангеловска и Александар Младеновски, а на состанокот од општина Босилово покрај градоначалникот Ристо Манчев присуствуваше и Васил Крмзов, советник за млади во општината.