На 26 март 2025 во просториите на УТМС – Скопје се одржа завршна конференција за проектот “Грижи се 2” – Интегрирана социјална и здравствена заштита за ранливото население во Македонија. Проектот е финансиски поддржан од страна на Сојузното Министерство за социјални работи, здравство, грижа и заштита на потрошувачите на Република Австрија, а е координиран од Каритас Австрија. Во Македонија, проектот “Грижи се 2” се спроведува од  страна на трите партнерски организации ХДФ Македонски Каритас, ЗГ “Љубезност “- Скопје и  АДРР – Сонце, Тетово.

Конференцијата беше отворена од страна на Н.Е. Мартин Паммер, Амбасадор на Република Австрија во Македонија кој ја нагласи  важноста и поддршката од Република Австрија за унапредување на социјалната политика и помош на социјално ранливите групи на граѓани во Македонија. Потоа, говор во однос на дирекната имплеметација и успешноста на проектот имаше г-дин Харалд Бреза-Фугер, Аташе на Сојузното Министерство за социјални работи, здравство, грижа и заштита на потрошувачите на Република Австрија.

На конференцијата свои излагања за взаемната соработка во однос на проектот имаа и претставници од државни институции г-дин. Метин Лимани – советник во Министерството за социјална политика, демографија и млади, како г-дин Фатон Фазлиу – Директор на Управата за водење на матични книги во РСМ.

Исто така, директорите на партнерските организации отец д-р Зоран И. Стојанов – Директор на Македонски Карита, г-динот Тони Станковски – претседател на ЗГ “Љубезност” и г-ѓа Маргита Стојановиќ, раководител на проект од АДРР – Сонце. Потенцирана беше важноста на соработката и вмрежувањето за постигнување на проектните цели.

Александар Митаноски, социјален работник во Македонски Каритас ги презентираќе проектните постигнувања и резултати при имплементацијата на проектот “Грижи се 2”. Акцент беше ставен на поддршката за интегрирано домување и помош на бездомниците и лицата во висок ризик од бездомништво. Од почетокот на проектот во октомври 2023 до декември 2024 опфарени се вкупно 368 дирекни кориници во проектот, а обезбедена е поддршка за домување и режиски трошоци за 23 семејства. Беа презентирани проектните активности,  предизвици, позитивни практики и преглед на целокупната имплементација на проектот.

Фокус на настанот беше презентацијата на изготвениот Документ за јавни политики насловен “Бездомништвото во РС Македонија: Предизвици, политики и предлог решенија. Автор на докуемнтот е м-р Елена Димовска, асистент професор на Факултетот за безбедност, Скопје. Документот содржи конкретни предлози и препораки за намалуавње на бездомништвото кои се адресирани до централната, локалната власт, како и до граѓанскиот сектор.

Кон крајот на конференцијата, во однос на идните чекори и борба против бездомништвото во Македонија, свое излагање имаше г-ѓа Наташа Станојевиќ – Државен советник при Министерството за социјална политика, демографија и млади, која ја нагласи потребата и вклучувањето на граѓанскиот сектор при креирањето на нови политики и механизми на делување.

Конференцијата беше одлична можност за плодна дискусија, коментари, забелешки, споделување на мислења и планирање на понатамошни чекори и заеднички иницијативи во однос на борбата со бездомништвото и намалување на социјалната исклученост.

Проектот “Грижи се 2”  – Интегрирана социјална и здравствена заштита за ранливото население во Македонија се имплеметира вкупно 19 месеци, односно од 1 октомври 2023 до април 2025.

Македонски Каритас искажува јавна благодарност до Сојузното Министерство за социјални работи, здравство, грижа и заштита на потрошувачите на Република Австрија, односно за нивната поддршка и препознавање на залагањата и напорите на Каритас и другите партнерски организации ги прават во однос на подобрување на состојбата за најсиромашните категории граѓани.

Тимот на Македонски Каритас продолжува посветено да работи и заеднички да придонесува за благостојбата на македонското општество.