На петти јуни 2024 во посета на Македонски Каритас беше Роберто Страно. Фотографот Страно со неговиот тим беа примени од директорот на Македонски Каритас, отец Зоран И. Стојанов. Тема на разговор беше нивната студиска посета во неколку земји на Балканот, а причина се мигрантите и нивниот престој во регионот.

Роберто Страно е професионален фотограф, кој живее и работи во Калтаџироне и е во постојано движение низ Италија и во странство. Предава различни курсеви за фотографија во Италија, Франција до Соединетите Американски Држави, се има здобиено со различни меѓународни признанија.