На 26 февруари 2025 година, директорот на Македонски Каритас, о. Зоран И. Стојанов, оствари работна средба со г-дин Шабан Салиу, Министер без ресор, задолжен за интеграција и имплементација на Стратегијата за инклузија на Ромите 2022-2030 и соработниците на неговиот кабинет. На средбата беа разменети искуства од работата со ранливите категории на граѓани, особено припадниците на ромската заедница, идеи за можна помош и взаемна соработка на постоечките проекти кои се имплементираат, како и можности за идна заедничка проектна соработка, со цел да се помогне на луѓето кои се наоѓаат на маргините на општеството.