На 3 декември 2024 година, директорот на Македонски Каритас, о. Зоран И. Стојанов и координаторот Спасе Спасов, остварија работна средба со г-ѓа Ренате Крекелер-Кох, претставничка на добротворната организација Реновабис од Германија.

За време на средбата директорот Стојанов, во името на Македонски Каритас, се заблагодари за долгогодишната одлична и плодна соработка со Реновабис, за подршката на одредени проекти, а воедно и ја информираше г-ѓа Крекелер-Кох за моменталните активности на Македонски Каритас, проектите кои ги спроведува, како и за резултатите кои се постигнуваат. Претставничката на Реновабис покажа особен интерес за она што Македонски Каритас го прави за луѓето во потреба, но и за  предизвиците со кои се соочува оваа социјална институција на Католичката црква, која делува повеќе од триесет години во Македонија.