Во периодот од 30 септември до 4 октомври во рамките на регионалниот проект Your Job II беше организирана студиска посета во Виена – Австрија, на која што учество зеде и тимот од Македонски Каритас, составен од координаторот Спасе Спасов и кариерните советници Верица Ангеловска и Александар Младеновски, покрај претставниците од Каритас Албанија, Каритас Босна и Херцеговина, Каритас Косово, Каритас Црна Гора, Каритас Србија, како и претставници на одредени државни институции.

Целта на посетата беше учесниците да се  запознаат со најдобрите применети пракси во Австрија за интегрирање кон пазарот на трудот, методологијата што се применува и можностите што се нудат од страна на иновативните и „зелените“ компании преку recycling и upcycling процеси, со посебен фокус на активности насочени кон интегрирање на жените на пазарот на трудот и можностите за вработување што ги нуди иновативните и зелени работни места.

Беа посетени повеќе институции и организации, како Австриската агенција за вработување, Фондација Ерсте Банк, Виенскиот универзитет за економија и бизнис, различни НВО организации, како и специфични проекти на Каритас Австрија.