На 14 октомври 2024 година, во општина Босилово, директорот на Македонски Каритас отец д-р Зоран И. Стојанов со градоначалникот на општина Босилово, г-дин Ристо Манчев, потпишаа Меморандум за соработка и разбирање за проектот YourJob, кој го спроведува Македонски Каритас.  Со ова се официјализира соработката на Македонски Каритас со општина Босилово за овој проект, кој е наменет за млади и има за цел да ги анимира младите и да им помогне да го изградат својот кариерен пат.

Проектот YourJob е за стручна подготовка на младите луѓе од 15 до 35 години, со цел полесно интегрирање кон пазарот на труд. Исто така, активно се работи и со корисници што се веќе работоспособни и имаат потреба од поддршка за платена пракса и професионална обука.

Проектот е подржан од Реновабис и Каритас Австрија.