Хуманитарно добротворна фондација МАКЕДОНСКИ КАРИТАС Скопје објавува

ЈАВЕН ПОВИК

За ангажирање на експерт за изработка на документ за јавна политика со цел дефинирање и подобрување на состојбата со бездомништвото во Р.С Македонија во рамки на проектот “ГРИЖИ СЕ 2 (TAKE CARE 2) – Интегрирана социјална и здравствена заштита за ранливото население во Р.С Македонија”.

 

1. За проектот:

Општата цел на Take Care 2 е да придонесе за обезбедување долгорочни и достоинствени опции за домување за луѓето погодени од сиромаштија и/или луѓе кои се изложени на зголемен ризик од сиромаштија и социјална исклученост поради економската криза во земјата.

Грижи се 2 – се надоврзува на добрите искуства и „научените лекции“ од регионалниот проект Грижи се 1 и опфаќа мобилна правна, здравствена и социјална работа, како и компонента за домување со помошни услуги за домување.

Проектните активности во земјава ги спроведуваат организациите Хуманитарна добротворна фондација Македонски Каритас – Скопје, Здружението за демократски развој на Ромите Сонце – Тетово и Здружение на граѓани за помош на бездомници и социјално загрозени семејства и поединци – Љубезност – Скопје под координација и менаџмент на Каритас Австрија.

Проектот е финансиран од Сојузното Министерство на Република Австрија за социјални работи, здравје, грижа и заштита на потрошувачите.

 

Проектни активности:

 

• Интегрирани услуги за домување со поддршка за лица во висок ризик од бездомништво.
• Развивање и зајакнување на основните животни вештини и стекнување работни навики за намалување на ризикот од сиромаштија и бездомништво.
• Индивидуално менторство и следење за полесен пристап и вклучување на пазарот на труд.
• Социјални и правни услуги за лица во висок ризик од сиромаштија и социјална исклученост.
• Основни мобилни здравствени услуги и медицински совети.
• Финансиска поддршка и помош за добивање лична документација.

Проектна локација: Гостивар, Тетово и Скопје вклучувајќи ги и руралните средини околу овие градови.

 

2. Број на експерти:

За изработка на документ за јавна политика со цел дефинирање и подобрување на состојбата со бездомништвото во Република Северна Македонија ќе ангажира (1) еден експерт.

 

3. Специфични задачи на експертот:

Експеротот ќе ги спроведе следниве специфични задачи:

• Дефинирање на наслов на документот за јавна политика
• Креирање на концепт за структурата на документот
• Деск анализа на проблемот со бездомништвото во нашата земја;
• Анализа на законодавната рамка во која се дефинира и споменува бездомништовто;
• Истражување на проблемот (интервјуа со лица засегнати од бездомништво и невладини организации кои работат во областа на бездомништвото);
• Компаративни искуства од регионот и пошироко;
• Сумирање на заклучоци и препораки;
• Презентација на изготвениот документ за јавна политика

 

4. Главна цел:

Експертот кој/а ќе биде избран/а ќе подготви документ за јавна политика кој ќе ги опфати сите горе наведени области од точка 3 и ќе сумира конкретни заклучоци и препораки. Истиот понатаму ќе биде соодветно адресиран до надлежните институции со цел подобрување на состојбата со бездомништвото.

 

5. Известување:

Експертот ќе изготви документ за јавна политика до Проектниот менаџер и ќе го презентира документот со препораки за подобрување на сотојбата со бездомништвото во Македнија на завршната конференција во рамките на проектот Грижи се 2.

 

6. Квалификации и искуство

Експертот потребно е да ги има следниве квалификации и искуство:

• Минимум три (3) години релевантно работно искуство;
• Добро познавање на македонското законодавство (со посебен фокус на законодавството за социјална заштита),
• Одлични вештини за анализа и пишување (за предност ќе се смета претходна работа на најмалку 2 анализи/документи од областа на социјалната заштита).
• Компјутерска писменост и компетентност, Microsoft Word, Excel, Access, PowerPoint;
• Докажана способност за работа и интеракција со луѓе од различно, професионално, социјално и културно потекло;

 

7. Останати барања:

• Одлични вештини за планирање, организирање и пишување;
• Одлични комуникациски вештини;
• Сигурна и одговорна личност со капацитет за работа под професионални услови.

8. Начин на плаќање

• Начинот на плаќање ќе биде дефиниран со договор.

 

9. Начин на аплицирање за јавниот повик:

• Кратка биографија (CV)
• Предлог краток концепт за документот за јавна политика
• Пример од еден претходно изготвен документ за јавна политика

 

10. Процедура за поднесување на пријави

Пријавите треба да се базираат врз основа на Описот на задачи, и притоа да ги содржат документите од точка 9. Истите да бидат испратени на e-mail адреса: [email protected] и [email protected] , со рок до 27.12.2024 година, 16:00 часот.