CORDIAL

CORDIAL

Проектот CORDIAL (Creating Opportunities Regionally for Disability Inclusion Actions and Legislation) – Создавање Можности Регионално за Акции и Законодавство за Инклузија на Лица со Попреченост.

Станува збор за Регионален проект финансиран од Европската Унија. Координатор на проектот е Каритас Србија, а вклучени се 8 други проектни партнери од 5 балкански земји: Каритас Босна и Херцеговина, Унија на организации на лица со попреченост на Босна и Херцеговина, Каритас Косово, Македонски Каритас и Центар за младински активизам КРИК (Северна Македонија), Каритас Црна Гора, и Форум младих са инвалидитетом (YDF), Србија.

Проектен партнер кој со години спроведува споделување на најдобри практики и кој го иницираше ваквиот вид на соработка, на што од срце им благодариме е Caritas Italiana (Италија)

Времетраење на проектот: Декември 2024 – Ноември 2027

ЦЕЛИ:

Сеопшта цел: Зајакнување на капацитетите на Граѓанските Организации (ГО) во Западен Балкан и создавање поволна средина за соработка и партнерство во процесите на креирање политики и донесување одлуки поврзани со социјалната и економската инклузија на Лица Со Попреченост (ЛСП), борба против дискриминацијата и стереотипите и поддршка на деинституционализацијата.

Специфична цел 1: Зајакнување на капацитетите на ГО и создавање можности за нивно вклучување во развојот на политики, дебати и спроведување на иницијативи за социјална и економска инклузија на ЛСП.

Специфична цел 2: Зголемување на влијанието на ГО во процесите на креирање политики и донесување одлуки и борба против дискриминацијата преку градење национални и регионални коалиции, застапување засновано на докази и јавни кампањи за подигање на свеста.

Активности на регионално ниво:

1.1 РЕГИОНАЛНА ИЗГРАДБА НА КАПАЦИТЕТИ (30 обуки)

1.2 СТУДИСКИ ПОСЕТИ (2) за најдобри практики во социјалната инклузија

1.3 ПРОГРАМА ЗА ДОДЕЛУВАЊЕ ГРАНТОВИ (30 иницијативи)

1.4 МОНИТОРИНГ, ПОДДРШКА И МЕНТОРСТВО (30 ГО)

2.1 НАЦИОНАЛНИ ПОЧЕТНИ НАСТАНИ (5)

2.2 Формирање и редовни состаноци на НАЦИОНАЛНИ ГРУПИ ЗА ЗАСТАПУВАЊЕ (5)

2.3 ЗАСТАПУВАЧКИ АКЦИИ (12) на национално и регионално ниво

2.4 Создавање или проширување на НАЦИОНАЛНИ МРЕЖИ на ГО за ЛСП (5) И РЕГИОНАЛНО ВМРЕЖУВАЊЕ

2.5 Создавање на YOUTH CORD (Младинско јадро за попреченост)

2.6 КАМПАЊИ ЗА ПОДИГАЊЕ НА СВЕСТА (11)

2.7 ПРВ ЗАПАДНОБАЛКАНСКИ КОНГРЕС ЗА ПОПРЕЧЕНОСТ (1)

Целни групи:

Активностите во рамки на CORDIAL ќе вклучат неколку целни групи:

• Граѓански организации кои работат со лица со попреченост – Зајакнување на нивните капацитети за да станат релевантни актери во социјалниот и економскиот развој на своите земји и нивната ЕУ интеграција.
• Млади лица со и без попреченост – Преку создавање на Youth CORD ќе се зголеми вклученоста и влијанието на младите и ќе се постават темелите за нивно регионално вмрежување.
• Јавни институции – Ќе имаат можност да воспостават дијалог со граѓанското општество и преку размена на информации и знаење да развијат поинклузивни социјални и правно усогласени политики за ЛСП што ќе одговараат на ЕУ стандардите.