Војната во Украина трае веќе петта година, а руските напади врз украинските градови и општини и понатаму претставуваат сериозна закана за животот и безбедноста на луѓето. Од август, Русија значително ги засили нападите врз Украина. Ракетните напади се менуваат со напади со беспилотни летала, а нападите се одвиваат речиси непрекинато — дење и ноќе.

Последиците од овие напади се трагични: луѓе ги губат животите, се здобиваат со повреди и ги губат своите домови. Постојаните напади врз цивилната, критичната и енергетската инфраструктура предизвикуваат големи прекини во снабдувањето со електрична енергија, греење и вода. За милиони Украинци тоа значи секојдневна борба за обезбедување на најосновните услови за живот.

Во вакви услови, а со настапувањето на ниските температури, особено е важно да се обезбеди непречено функционирање на здравствените установи, бидејќи на луѓето им е потребна медицинска помош дури и за време на прекини во снабдувањето со електрична енергија.

Токму затоа започнуваме Акција за собирање средства, во рамките на добротворната иницијатива #WarmthForUkraine, за набавка на генератор за амбулантата по општа медицина во селото Чистопил, Никополскиот реон, Днипропетровската област во Украина.

Генераторот ќе ѝ помогне на амбулантата да продолжи со работа за време на прекините во снабдувањето со електрична енергија и да обезбеди соодветни услови за укажување медицинска помош на локалните жители, кои се наоѓаат на 20 километри од линијата на фронтот. Обезбедувањето резервен извор на електрична енергија е особено важно во услови кога енергетската инфраструктура е изложена на постојани напади, а прекините во снабдувањето со електрична енергија ја отежнуваат секојдневната работа на здравствените работници.

Секој придонес е важен! Благодарение на заедничките напори, дури и малите донации можат да се претворат во конкретна помош. Секоја донација нè приближува до целта — набавка на генератор што ќе претставува значајна поддршка за здравствената установа и за луѓето кои таму бараат помош.

Ги повикуваме сите хумани луѓе да се вклучат во собирањето средства и да покажат солидарност со украинскиот народ. Денес нашата поддршка не е само материјална помош, туку и знак дека украинските заедници не се оставени сами да се справуваат со своите тешкотии.

Им благодариме на сите што се вклучуваат во оваа иницијатива, ги поддржуваат хуманитарните напори и помагаат таму каде што помошта е навистина неопходна.

Заедно можеме да направиме повеќе.

 

Денарска сметка:

Фондација МАКЕДОНСКИ КАРИТАС Скопје

Ул. Петар Попарсов бр. 43

МК – 1000 Скопје

Бр. на трансакциска

Сметка: 300000004360186

Целна дознака: Помош за Украина

 

 

Девизна сметка:

Name of the bank                            Komercijalna banka AD Skopje

Address of the bank                        Orce Nikolov br. 3, Skopje

Account’s holder                              Fondacija MAKEDONSKI KARITAS Skopje

Account’s holder’s address            Petar Poparsov br. 43, 1000 Skopje

SWIFT code                                      KOBSMK2X

IBAN Code                                        MK07300701003596824

Account number                              0270100359682

Remittance: Aid for Ukraine