Македонски Каритас објавува јавен повик за пријавување на жени – индивидуални учеснички и претставнички на граѓански организации – за учество во програма од четири еднодневни обуки, кои ќе се реализираат во рамки на проектот „Вклучување на жените во подобрување на услугите за достапност до чиста вода, санитација и зајакнување на отпорноста на климатските промени во Македонија“, кој го спроведува Македонски Каритас во Југоисточниот регион на Македонија, со финансиска поддршка од Министерството за надворешни и европски работи на Република Словенија и Каритас Словенија.
Право на учество имаат жени од седумте општини: Богданци, Босилово, Валандово, Гевгелија, Дојран, Ново Село и Струмица, вклучително и претставнички на граѓански организации од овие општини.
Целта на програмата е да ги зајакне капацитетите на жените во областа на животната средина, климатските промени и локалното женско лидерство, како и да придонесе кон одржливо управување со природните ресурси и поттикнување на активната улога на жените во развојот и спроведувањето на зелени иницијативи во нивните заедници.
Обуките ќе опфатат теми поврзани со:
- одржливо управување со водните ресурси;
- управување со отпадните води;
- чистење и заштита на реките и каналите;
- адаптација кон климатските промени;
- планирање и управување со проекти во заедницата;
- улогата на жените во локалното лидерство, учеството во донесувањето одлуки и застапувањето за прашања поврзани со животната средина.
По успешно завршување на обуките, учесничките ќе имаат можност да аплицираат за микро-грантови за реализација на зелени иницијативи во нивните заедници. Покрај финансиската поддршка, избраните иницијативи ќе добијат и менторска поддршка во процесот на нивната реализација.
Трошоците за учество во програмата се покриени во рамки на проектот.
Начин на пријавување:
– Пополнете го онлајн формуларот за пријавување.
– Линк до формуларот: https://forms.gle/sUQD5dES21CTcUpA6
Рокот за пријавување е до 9 септември 2026 година.
Датумите и локациите на обуките ќе бидат дополнително соопштени до избраните учеснички.
За дополнителни информации, слободно контактирајте не: 072 221 763 | 072 221 733, или на мејлот [email protected]