Од 29 јуни до 1 јули 2026 година, во Охрид, се одржа Работна средба на Steering Group во рамки на проектот CORDIAL (Creating Opportunities Regionally for Disability Inclusion Actions and Legislation) – Создавање Можности Регионално за Акции и Законодавство за Инклузија на Лица со Попреченост, чии домаќини беа Македонски Каритас и Центарот за младински активизам КРИК.

Во работна и продуктивна атмосфера, регионалните партнерите ги сумираа постигнатите резултати, ги споделија научените лекции и ги дефинираа следните чекори за успешна реализација на проектните активности.

На состанокот се разговараше за резултатите од процесот на градење капацитети, финансискиот напредок на проектот како и за организацијата на идните проектни активности. Исто така состанокот беше можност за понатамошно планирање во однос на одржливоста и идната соработка по завршувањето на проектот CORDIAL, преку развој на нови иницијативи, партнерства и можности за финансирање.