Во просториите на Општина Струмица, на 13 март 2026 година, претставници на Македонски Каритас одржаа работна средба со градоначалникот Петар Јанков и неговиот соработник Никола Николов, на која беше претставен проектот „Вклучување на жените во подобрувањето на услугите за достапност до чиста вода и санитација и зајакнување на отпорноста на климатските промени во Македонија“.

На средбата беа изложени главните цели и планираните активности на проектот, како и можностите што тој ги отвора за локалните заедници. Посебно внимание беше посветено на унапредувањето на меѓуопштинската соработка, зајакнувањето на локалните капацитети за справување со климатските предизвици и поддршката на иницијативи што придонесуваат за одржлив развој.

Акцент беше ставен и на важноста од активното учество на жените во подобрувањето на услугите поврзани со водата и санитацијата, како и на нивната улога во локалните зелени иницијативи и решенија што придонесуваат за поголема отпорност на заедницата.

На крајот од средбата беше изразена подготвеност за натамошна соработка и заедничко спроведување на проектните активности.