Во просториите на ЈОУ Дом на култура „25 Мај“ – Валандово, на 15 септември 2026 година, во организација на Македонски Каритас се одржа четвртиот модул од обуките наменети за општинскиот персонал, на тема „Намалување на ризиците од катастрофи – од ризик до координирана реакција“.

Обуката ја одржаа претставници од „Зелена органска Република“ од Скопје, а учествуваа претставници од општините од Југоисточниот регион.

Учесниците разговараа за препознавање на ризиците, превентивно дејствување и подобрување на координацијата меѓу општините, институциите и локалната заедница во случај на катастрофи. Беше спроведена и симулациска вежба со реални улоги на клучните лица што донесуваат одлуки во кризни ситуации.

Проектот го реализира Македонски Каритас, со финансиска поддршка од Министерството за надворешни и европски прашања на Словенија и Каритас Словенија.

#SlovenianAid