На 23 и 24 септември, во Призрен, Косово се одржа настан за регионално вмрежување за инклузија на младите лица со попреченост во рамки на проектот CORDIAL – „Создавање регионални можности за активности и законодавство за инклузија на лицата со попреченост“.
Овој регионален настан за вмрежување беше посветен на унапредувањето на инклузијата на младите лица со попреченост.
На настанот учествуваа претставници на организации и иницијативи од Македонија, Косово, Србија, Црна Гора и Босна и Херцеговина, со цел размена на искуства, практики и идеи за создавање поинклузивни можности за младите лица со попреченост.
Во рамки на двете панел-дискусии беа обработени значајни теми поврзани со:
инклузивното образование и обезбедувањето еднакви можности за младите лица со попреченост; вработувањето и инклузијата на пазарот на трудот; предизвиците со кои се соочуваат младите лица со попреченост и можностите за нивно поголемо учество во општеството.Посебен дел од настанот беше посветен на интерактивната сесија „Отворен простор“, преку која учесниците имаа можност за директна размена на мислења и заедничко дефинирање на препораки и можни решенија.
Настанот заврши со официјално потпишување на Меморандум за разбирање од страна на Youth CORD, со што дополнително се потврди важноста на регионалната соработка и заедничкото дејствување во насока на создавање поинклузивно општество.
Македонски Каритас активно учествуваше во регионалниот настан, придонесувајќи со своето искуство и перспектива од Македонија и поврзувајќи се со организации и партнери од регионот.
